SAFA e hlwaya Morena Ramoreboli jwalo ka motlatsa mokwetlisi

Mokgatlo o tsamaisang bolo Afrika Borwa wa SAFA, o tsibisitse Morena Ramoreboli jwalo ka mokwetlisi yatla tlatsa mokwetlisi wa Bafana Bafana Pitso Mosimane.

Phatlalatso ena e tla matsatsi ka mora hore mokgatlo o tsibisitse mokwetlisi le ditho tse ding tse pedi tsa bokwetlisi ba sehlopha sa naha.

Ramoreboli, e ne e le mokwetlisi wa naha ya Botswana pele ho phatlalatso ena mme o tla lokela ho rola marapo bakeng sa mosebetsi wa hae o motjha.

Ka 2021, Ramoreboli o ile a tshwara marapo a sehlopha sa naha mohopeng wa COSAFA ka mora ho kula ha Helman Mokhelele mme o ile a hapa mohope oo.

BALA: Nkgetheng wa setulo sa SAFA o re mokgatlo o lefe dibapadi 

Letswalla lena la Mautse Rosendal, e kile yaba karolo ya bokwetlisi dihlopheng tsa ntshetso pele tsa naha pele a leba Botswana mmo a kwetlisitseng Jwaneng Galaxy le ho hapa mehope.

Ka mora katleho ena, Ramoreboli o ile a tshwara marapo sehlopha se seholo sa Botswana moo a ileng a ba thusa ho phunyeletsa mohopeng wa AFCON ka mora dilemo naha e sa phunyeletse.

Tebello ke hore boiphihlelo ba Ramoreboli ya tshwereng lengolo la CAF A coaching license, botla thusa sehlopheng se seholo le dihlopheng tsa ntshetso pele jwalo ka pele.

BALA: Phuti Mohafe o na le tshepo ya ho tswelapele le Gallants