Mosimane o tsibisa mabitso a 35 ho kenyeletsa a 10 a dibapadi tsa mose

Mokwetlisi ya motjha wa Bafana Bafana Pitso Mosimane, o tsibisitse mabitso a dibapadi tseo a tla nyafa ho tsona bakeng sa dipapadi tsa ho phunyeletsa mohopeng wa AFCON [Preliminary squad].

Mosimane, o etsa sena beke fela a phatlaladitswe jwalo ka mokwetlisi wa sehlopha sa naha e bile e le beke pele sehlopheng se kena kampong.

Phatlalatsong ya hae, Mosimane o bitsitse dibapadi tse 10 tse bapalang dinaheng tse fapaneng kantle ho Afrika Boroa e leng palo e hodimo le ha a tla fokotsa haufinyana.

Mabitso a dibapadi tsa mose:

Samukele Kabini, Olwethu Makhanya, Ime Okon, Sphephelo Sithole, Lyle Foster

Puso Dithejane, Relebohile Mofokeng, Thapelo Maseko, Luther Singh le Shandre Campbell.

Mabitso a tlwaelehileng a siko sehlopheng, ke la Mbekezeli Mbokazi, Khuliso Mudau, Evidence le Thalente Mbatha ba tswileng dikotsi.

Tashreeq Matthews ya fetoweng ke monyetla ka makgetlo tlasa Hugo Broos, le yena o kene lenaneng le bitsitsweng ke Mosimane.

Difahleho tse ding tse ntjha dikenyeletsa Ronaldo Van Neel, Tshepo Mashiloane, Yanela Mbuthuma, Brooklyn Poggenpoel le ha ba bang e kile yaba karolo ya sehlopha sa pele [Preliminary squad] ka nako ya Broos.

Tebello ke hore sehlopha se kgutsufetseng setla kena kampong kala 20 bakeng sa dipapadi tse pedi tsa ho phunyeletsa mohopeng wa AFCON pele kgwedi ya Lwetse e fihla pheletsong.

BALA: