Kaizer Chiefs e batla ho saena Slovakia
Ho tlalehwa hore Kaizer Chiefs e batla ho saena sebapadi sa Slovakia ha e ntse e batla ho matlafatsa lebaleng la yona la pele bakeng sa sehla se tlang.
Mohlasedi, Robert Polievka, hajwale o dibukeng tsa MTK Budapest naheng ya Hungary.
Amakhosi, ho latela tlaleho ea Sportswire.co.za, ba kgethile Polievka ha ba ntse ba shebile ho matlafatsa mola wa bona wa pele pele ho sehla sa 2025/26.
Kaizer Chiefs e tla bapala dipapadi tse ding hape sehleng se tlang kaha e se e ipatile ho ya Mohope wa Confederation wa CAF kamora tlholo ya yona ya Mohope wa Nedbank.
Amakhosi a ikemiseditse ho matlafatsa sehlopha sa bona, haholo ho lebaleng la pele kamora ho arohana le Ranga Chivaviro.
Kaizer Chiefs e tla hloka ho buisana ka tefiso ya phetisetso ya Polievka, kaha konteraka ya hae le MTK Budapest e tswela pele ho fihlela 2027.
Leha ho le jwalo, rekoto ya sebapadi sa dilemo tse 27 ya swabisa.
O se a habile dipheo tse nne feela dipapading tse 26 ditlhodisanong tsohle sehleng sena.
Dipalo-palo tsena di ka nna tsa se ke tsa etsa hore sehlopha se itshepe haholo se hlokang motho ya nohang sepheo seo se ka itshetlehang ka sona.
Ka potlako Chiefs e hloka sebapali se ka etellang pele ditlhaselo tsa yona ka boitshepo le ho fumana dintlha.
Chivaviro o bile le qalo e matla letsholong la ho qetela, a hapile dipheo tse pedi dipapading tsa hae tse tharo tsa pele.
Empa o ile a nyamela ha dipapadi di ntse di tswela pele, a qetella a le lehlaswa la jeresi mme qetellong a lokolla.
Sena se ile sa etsahala leha ba ile ba qalella hape ho Nedbank Cup, eo qetellong e ileng ea fedisa komello ya dilemo tse 10.
- Translator: Karabelo Molapo
