Yusuf Maart o ntsha Maikutlo a hae
Yusuf Maart o leboha balatedi ka ho thusa ho fedisa tlala ha Chiefs.
Yusuf Maart ke e mong wa dibapadi tse nang le madi a mabe ho Kaizer Chiefs kaha o dula a jariswa molato ha dintho di sa tsamae hantle.
Empa ka Moqebelo thapama, sebapadi se ile sa fetoha mohale, sa thusa Kaizer Chiefs ho fedisa komello ya bona ya dilemo tse leshome.
Bekeng ena ke dilemo tse leshome esale Marena a qetetse ho hapa mohope ona.
Yusuf Maart o fane ka ntlha ya bobedi ha Kaizer Chiefs e hlola Orlando Pirates 2-1 papading ya ho qetela ya Mohope wa Nedbank Lebaleng la Moses Mabhida, Durban.
“Ke tla qala ka ho leboha ‘Mopi, ke rata ho leboha sehlopha sa bakwetlisi le balatedi ho re tshehetsa kamehla,” ho boletse Maart kamora papadi.
O ile a bitswa Sebapadi sa Bohlokwa ka ho Fetisisa ka mora ho bapala hantle papading ena e thata bakeng sa dihlopha ka bobedi.
A re ba entse tjena molemong wa balatedi ba neng ba dula ba mo tsheheditse le ha dintho di sa tsamae hantle.
“Barati ba re tshehetsa le ha dintho di sa tsamae hantle.
Re ka be re sa ka ra etsa sena ntle le bona le basebetsi mmoho le rona ba nang le maikutlo a tshwanang.”
“Sebapadi se seng le se seng se lwanne kajeno, re sebeditse ka thata mme re kopane ho hlola.”
Ha a bua ka sepheo sa hae, Yusuf Maart o re o sebedisitse maoto ka bobedi ha a ntse a fumana dintlha ka leoto la hae le letshehadi.
“Ha e le hantle ke sebedisa maoto a mabedi. Ha ho tsotellehe hore na e tswa ho leoto lefe.”K
” Ke ne ke shebile bolo, yaba kea e raha, mme ya kena ka letlwa.”
A re mohope ona ke wa ho hlakola meokgo ho balatedi kaha ba ntse ba sa sebetse hantle liking.
“Diphetho ha di dumellane le rona liking. Empa kajeno re ne re le mmoho re le sehlopha mme re lwana. Kaofela re ne re le mohopolo o le mong.”
- Translator: Karabelo Molapo
- Etswa ho: http://Sabc Sports.co.za
