Sundowns e tla Ntjhafatsa sehlopha
Ba babeli ba ile, ba bang ba 8 ba tla latela Sundowns.
Ho dumelwa hore Mamelodi Sundowns e itokisetsa ho ntjhafatsa sehlopha pele ho sehla sa 2025/26.
Mokwetlisi wa hlooho Miguel Cardoso o batla ho sebetsa le sehlopha se seng se kgutshwaane haholo ho feta dibapadi.
Ho bonahala batsamaisi ba ikemiseditse ho latela dikgothaletso tsa hae.
Ditlaleho di fana ka maikutlo a hore bonyane dibapadi tse 10 di tla tsejwa hekeng ya Chloorkop.
Ba babedi ba se ba tiisitswe hore ba tlohile Sundowns – Rivaldo Coetzee le Sipho Mbule.
Motsamaisi wa bona, Mike Makaab, o se a tiisitse hore dikonteraka tsa bona ha di na ho ntjhaafatswa.
Ho lebelletswe hore mmathidi wa dithiba Reyaad Pieterse le eena a tsamaee.
Ho latela KickOff, ke e mong wa dibapadi tse seng mererong ya Cardoso.
Bokamoso ba sebapali sa bohareng Lebohang Maboe le bona ha bo tsejwa hantle.
Soccer Laduma e tlaleha hore Maboe ke e mong oa ba lethathamong la ba tlang ho lokollwa.
Ba bang bao ho boleloang hore ba lethathamong lena ke Luvuyo Phewa, Etiosa Ighodaro, Sifiso Ngobeni, le Thembinkosi Lorch.
Dibapadi tse hlano ho tse ka hodimo di qetile nako ya selemo di adima dihlopheng tse ding.
Leha e le sebapadi sa maemo a hodimo, Lorch ha a so be le tshusumetso eo a neng a lebelletswe ho e etsa. Ho sa le jwalo, sebapadi sa Argentina Matias Esquivel le eena o tseleng, ho latela menyenyetsi e tswang Chloorkop.
Lucas Suarez hape ke e mong wa dibapadi tsa kantle ho Sundowns tse ka lokollwang ho fana ka sebaka bakeng sa dipapadi tse ntjha.
- Translator: Karabelo Molapo
