Sundowns e batla ho kwala sekgeo sa Adams ka sebapadi sa South America 

Sehlopha sa tummeng ka dinaha tsa Latin America kwano Afrika Borwa sa Mamelodi Sundowns, se tswelapele ho batlana le sebapadi sa bohareng ba lebala ka mora tahlehelo ya Jayden Adams.

Ho ya ka mehlodi e tshepahalang, Sundowns e mehlaleng ya lekejakejane la Colombia Josen Escobar ya dilemo di 21.

Sebapadi sena, se bapala hantle mpeng ya lebala se tshireletsa [defensive midfielder] mme ho utlwahale ha Sundowns e ikemiseditse ho lefa R37 million eo e leng boleng ba sebapadi sena.

BALA: Nkota o kgutlela lapeng ka kadimo ya selemo

Le ha hole jwalo, dihlopha tse ding tsa Mexico le Bulgaria, le tsona dimehlaleng ya sebapadi sena seo bokamoso ba sona bo kganyang.

Ha jwale Escobar o bapalla sehlopha sa America de Cali naheng ya habo ya Colombia mme sehlopha sa hae se dutse boemong ba bone tafoleng ya dihlopha.

BALA: Cardoso o hlakisa taba ya Mokoena a ipapisitse le menyenyetsi ya Al-Ahli