Orlando Pirates e ntse amohela diCV hotswa ho bakwetlisi
Orlando Pirates e ntse e tsoma mokwetlisi e motjha mme e filwe monyetla wa ho tekena e mong wa bakwetlisi ba hlomphuwang le ba nang le boiphihlelo Afrika.
Sehlopha sa Soweto se malala-a-laotswe ka mokwetlisi ya latelang ka mora ho tloha ha Jose Riveiro ho tloha Al Ahly ho ya ho Fifa Club World Cup.
Orlando Pirates e ntse e tla netefatsa mokwetlisi wa yona ya latelang, e leng se lebisang ho kgang ya hore na ke mang ya tla qetella a nkile mosebetsi.
E nngwe ya mabitso a hodmo a amanang le mosebetsi ke mokwetlisi ea Jeremane Marco Rose.
Leha ho le jwalo, ditlaleho di fana ka maikutlo a hore moputso wa hae o phahameng le ditlhoko tsa melemo di ka etsa hore ho be thata ho fumana mokwetlisi wa mehleng wa RB Liepzig ho Bundesliga.
Ho sa le jwalo, Florent Ibenge, mokwetlisi ya hlomphuoang wa DR Congo, ho tlalehwa hore le yena o kentse CV ya hae.
Ibenge, ya neng a kwetlisetsa sehlopha sa Al Hilal sa Sudan sehleng se fetileng, o ntse a tla saena konteraka e ntjha le sehlopha mme ho bolelwa hore o batla phephetso e ntjha.
Mokwetlisi ya dilemo di 63 ke kgale a bontshitse thahasello ya hae ya ho kwetlisa Betway Premiership, ho etsa hore Pirates e be monyetla o Leha ho le jwalo, hajwale ha ho na bopaki ba hore o ntse a buisana le sehlopha.
Orlando Pirates e sebetsa ka tjantjello ho hirwa mokwetlisi wa yona ya latelang.
Hara mabitso a nnileng a amahanngwa le mosebetsi ona ke Manqoba Mngqithi, Pitso Mosimane, Rulani Mokwena, le Benni McCarthy.
Sehlopha se lebelletswe ho etsa phatlalatso haufinyane, ha se ntse se itokisetsa sehla se tlang.
Batshehetsi ba emetse qeto ka tjantjello, kaha ba batla ho tseba hore na ke mang ya tla nka mosebetsi o siileeng ke Riveiro.
- TRANSLATOR: Karabelo Molapo
