Orlando Pirates e kentse dibapadi tse ntjha
Orlando Pirates e phatlaladitse semmuso batshwari ba batjha ba supileng pele ho sehla sa 2025/26.
Sena ke karolo ya morero wa kaho botjha wa dinatla tsa Soweto tlasa mokwetlisi e motjha Abdeslam Ouaddou.
The Bucs e se e tiisitse ho fihla ha Sipho Mbule, ya ileng a kenella kamora ho lokollwa ha hae ho tswa Mamelodi Sundowns.
Mme jwale ba kentse motswako wa dibapadi tse nyane le tse nang le boiphihlelo ho matlafatsa sehlopha ka tsela e nepahetseng
lenane le felletseng la dibapadi tse ntjha tsa Orlando Pirates le eme ka tsela e latelang:
- Tshepang Moremi – ho tswa AmaZulu
- Sihle Nduli – ho tswa Stellenbosch FC
- Sinoxolo Kwayiba – ho tswa Chippa United
- Masindi Nemtajela – ho tswa Marumo Gallants
- Tshepo Mashiloane – ho tswa Baroka FC
- Yanela Mbuthuma – ho tswa Richards Bay
- Nkosikhona Ndaba – hotswa Richards Bay
Dibapadi tsena tse ntjha di lebelletswe ho ba karolo ya merero ya Ouaddou ha Orlando Pirates e itokisetsa sehla se maphathaphathe.
Ntle le ditlhodisano tse nne tsa lapeng, Pirates e tla bapala hape ho Caf Champions League.
- BALA HAPE: Orlando Pirates e bakile moferefere
Ho ne ho e-na le lebitso le le leng le hlokomelang le siilweng phatlalatsong ya molao ya Pirates.
- Translator: Karabelo Molapo
