Mapensela Reggie Ndlovu ha a fumane tlotla e hantle

Mapensela Reggie Ndlovu o na le balatedi ba bangata, empa ha a e-so fumane tlotla e mo lokelang Afrika Borwa.

Empa katleho ea hae lefatsheng ka bophara e entse hore a be motlotlo le ho hlollwa ka tsela e tjhesehang eo a phatlalatsang ditaba ka yona.

Mapensela ke sebohodi sa bolo ya maoto ya Supersport TV mme haufinyane tjena o hapile kgau e kgolo ka ho fetisisa Afrika.

O ile a abelwa kgau ya Sebapadi sa Selemo sa Dipapadi Dikgaung tsa Young Achiever Africa moketeng o neng o tshwaretswe Kigali, Rwanda.

Sena se latela tlhōlo e tshwanang ya dikgau tsa Zikomo Awards, tse neng di tshwaretswe Sandton, Johannesburg, tse neng di hlompha bokgabane ditabeng tsa bonono le metjha ya ditaba Afrika.

Ha a bua ka mora tlholo ya hae, Mapensela o itse, “Sena se bontsha kamoo ho leng matla ho ithorisa ka puo ya hau.

“Ke ile ka memelwa ho hasa dipapado tsa sehlopha sa Caf, mme le hoja bamamedi ba bangata ba ne ba sa utlwisise Sezulu, ba ile ba thabela phatlalatso ya ka e matla le e mahlahahlaha.”

Sebohodi sena, se tswa Nquthu, KwaZulu-Natal, se na le ditoro tsa ho isa mosebetsi wa hae wa kgaso ya dipapadi ka kotloloho maemong a hodimo.

O na le tshepo ya ho phatlalatsa dipapado tsa Caf, ho kenyeletsa Afcon le Caf Champions League.

Mme ka letsatsi le leng o na le tshepo ya ho fuwa monyetla wa ho hlahisa dipapadi dikgaisanong tsa lefatshe tse kang Fifa World Cup le Uefa Champions League.

Mapensela o fepa ka matla le metlae Hajoale, o hlahisa dipapadi diteisheneng tsa kgaso tsa SuperSport tse Randburg.

• BALA HAPE: Refiloe Jane o kgutlela ho Banyana Banyana

Mokgatlo o thibetse baphatlalatsi ba dipuo tsa matswallwa ho ya dipapading hobane o itse o tla fokotsa ditshenyehelo.

• Translator: Karabelo Molapo