George Matlou o bua ka di-Video tsa hae
Sebapadi sa Kaizer Chiefs, George Matlou, o buile ka divideo tsa hae tsa morao-rao tse hapang mahlo.
Sebapadi sa Kaizer Chiefs se entse divideo tsena se apere mohope le jeresi eo a neng a e apere ha a hapa Nedbank Cup.
Ba hapile maikutlo a marang-rang a setjhaba ka mora hore Amakhosi e hape mohope wa bona wa pele ka mora dilemo tse 10.
DiVideong tsena, George Matlou o botswa hore na o ikemiseditse ho apara jeresi le kgau nako e kae, mme a araba, ‘ho fihlela Labone’.
O ile a botswa dipotso ka divideo tseo ho tsona a ileng a bonwa a apere jeresi ya Nedbank Cup le mohope letsatsing la boraditaba la Kaizer Chiefs motseng wa Naturana ka Laboraro.
“E bile maikutlo a monate ho nna ho hapa kgau,” ho boletse Matlou, ya neng a le Swallows FC pele a kenella ho Chiefs.
“Kahoo ke ile ka tlameha ho hlalosa maikutlo a ka … e bile katleho eo esale ke e batla jealoka sebapadi.”
Divideo di ile tsa ananelwa haholo, haholo ke balatedi ba Kings ba ileng ba fumana mahlapa a sebapadi a qabola haholo.
“Ho hapa mohope le sehlopha sa mabitso a maholo jwaloka Kaizer Chiefs ke katleho e kgolo ho nna. “E se e le nako e telele re qetetse ho hapa mohope – mme re bua ka dilemo tse 10 … “Empa jwale ke dobukeng tsa nalane ya sehlopha bakeng sa ho hapa ho hong le sehlopha.”
George Matlou o hanne ho bua ka botlalo ka bokamoso ba hae ho Kaizer Chiefs.
Konteraka ya hae e fela kgweding e tlang mme ho tlaleholwa a behilwe leihlo ke AmaZulu FC.
A re hajwale, o tsepamisitse maikutlo ho thuseng Chiefs hore e qetelle e le Top 8 ka ho netefatsa hore e hlola papadi ya yona ya ho qetela.
Amakhosi a tla amohela Polokwane City Lebaleng la FNB ka Moqebelo papading ya bona ya ho qetela ya Betway Premiership.
Sehlopha se ntse se le maemong a matle haesale ho tloha papading ya ho qetela, empa jwale re itokisetsa papadi ya Polokwane.
- Translator: Karabelo Molapo
- Etswa ho: https://thestar.co.za
