Royal AM e ya khoto

SABC Sport e senotse hore Royal AM e hlahletse taelo ya lekhotla khahlanong le kopano ya boto ya babusi ba Premier Soccer League e neng e reretswe ho tshwarwa ka Labone hoseng.

Kamora dikgetho tsa beke e fetileng tsa ho hlakola setho sa sehlopha ho tswa maemong a ditsebi ka dikgetho tse ngata, League e ile ya kopa BOG ho phethela taba ena.

Ha maemo a ntse a le teng, PSL e latetse Bukana ya NSL mabapi le ho tlosa e mong wa bona, leha sena se e-so phatlalatswe phatlalatsa ke modula-setulo Irvin Khoza kapa motlatsi wa CEO Mato Madlala.

Royal AM e ile ea emiswa ho bapala dipapadi tsa bona tsa lehae ha ho ne ho hlahella hore sehlopha se ne se hapilwe ke mohlokomeli wa SARS ka Tshitwe selemong se fetileng.

Ena e ne e le karolo ya boiteko ba ho kgutlisa sekoloto sa lekgetho se ka bang R40-milione se amanang le mopresidente wa sehlopha Shauwn Mkhize le ba lelapa la hae.

Ho sa tsotellehe boiteko bo bongata bo entsweng ke mohlokomedi wa ho fumana tharollo, bo neng bo akarelletsa ho fantisi boemo ho batho bao e ka bang bareki ba bona, komiti ya phethahatso ya  PSL e ile ea bona hore sehlopha se ke ke sa pholoswa mme ya kgothalletsa dihlopha tsohle tse tlasa sekgele sa NSL hore di fedise ditho tsa tsona.

BALA HAPE: Mandla Masango o bua ka Kaizer Chiefs

Pejana bekeng ena, Madlala o ile a memela dihlopha kopanong e nngwe e kgethehileng, lekgetlong lena ho ne ho nahana ditaba tse amanang le ho hlakolwa ha Royal AM, le ho nka diqeto tse jwalo ka moo ho hlokahalang.

• Translator: Karabelo Molapo
• Source: http://Sabc Sports