Orlando Pirates e senotse merero ya bona
Orlando Pirates e senotse dintlha tse seng kae mabapi le merero ya bona ya sehla se tlang bekeng ena, Mme jwale mahlo ohle a tadimile Kaizer Chiefs ho etsa jwalo.
Diphatlalatso tsa morao-rao tsa Bucs di thabisitse balatedi ba tsona, ha di ntse di beha ba qothisanang lehlokwa le Amakhosi tlasa kgatello.
Pirates e kgethile le ho phatlalatsa Abdeslam Ouaddou e le mokwetlisi e motjha wa bona.
Ba boetse ba saenetse le ho phatlalatsa Usipho Mbule, ya lokollotsweng ke Mamelodi Sundowns, e le sebapadi sa bona.
Ho feta moo, sehlopha se hlahisitse lenaneo la sona la TV le tla hlalosa maemo a amang Monnapule Saleng.
Pirates e boetse e lokolotse ditshwantsho tse bontshang disebediswa tsa bona tsa lapeng le tsa hole bakeng sa sehla se tlang.
Ho qala ka la 24 Phupu, ho tla le molaetsa o reng: “E masapong a rona.”
Dintlafatso tsena di tsositse thabo ho balatedi ba Orlando Pirates, ha Kaizer Chiefs e qala ho hloka.
Chiefs ha e so phatlalatsa hore e tekenetse. Leha ho le jwalo, ba netefaliditse dibapadi tse hlano tse lokolotsweng.
Bongata ba balatedi ba bona ba se ba qadile ho belaela merero ya sehlopha le hore na ke hobaneng e bolokww lekunutu.
Motho e mong o ngotse motjheng wa ditaba wa setjhaba: “MaPirates a etswa jwalo ka sehlopha se seholo. Re ntse re emetse ho hong ho etsahala.”
Ho dumelwa hore Marena a saenetse Ethan Chislett mme a ntse a buisana le ba bang ba kenyeletsang Rowan Human.
Empa ha ho so be le lentswe la semmuso ho tswa ho sehlopha.
- BALA HAPE: Orlando Pirates e kentse dibapadi tse ntjha
Ho kgutsa ha bona ho siile balatedi ba bona ba tsielehile haholo.
- Translator: Karabelo Molapo
