Mohlabadintlha wa Usuthu Thandolwenkosi Ngwenya o batlwa mona le mane 

Mohlabadintlha wa sehlopha sa AmaZulu Thandolwenkosi Ngwenya ya babang sa mohalakane o motsho, o fetoha se seng sa dibapadi tse melomong ya dihlopha ka ho fitisisa.

Ngwenya eo e leng yena a dihulang pele ka dintlha ho Betway Premiership, o batlwa ke dihlopha tsa Afrika leboya ho kenyeletsa le naheng ya Zimbabwe.

Ho ya ka lesedinyana la FARPost, sehlopha sa Raja Casablanca le se hafang ka nkatana sa naha ya Zimbabwe sa Scottland FC, dibontshitse kgahleho e kgolo ho Ngwenya.

BALA: Sethibathibane sa Cape Verde se thonngwa dikgaung tsa Ballon dor

Letswalla lena la Zimbabwe, le itlhomme pele ka dintlha tse robedi dipapading mehope ho fapana mme o hlabile dintlha tse tsheletseng dipapading tse hlano.

5 Matches played in Betway Premiership

6 Goals

1 Assist

6 Matches played this season

8 Goals Scored

1 Assist

Ngwenya o boetse a hapa kgau ya sebapadi sa kgwedi ya phato ka mora papadi e tswileng matsoho eo a ntseng a tswelapele ho e bontsha mme ke karolo ya sehlopha sa naha ya Zimbabwe setla bapala dipapadi tsa ho phunyeletsaho leba mohopeng wa AFCON.

BALA: Lebitso la Zwane le tlola menyenyetsing ya bokwetlisi ba sehlopha sa naha