Sundowns e tlola matjato a masesane ho kena dipuisanong le Cele

Sehlopha sa Mamelodi Sundowns se kena dipuisanong tsa ditumellano le sebapadi se qetang ho arohana le sehlopha sa sona Thabo Cele.

Ho ya ka SABC, Sundowns e kene dipuisanong tse tshepisang le Cele ya arohaneng le sehlopha sa Kaizer Chiefs bosiung ba maobane ka mora hore sehlopha [Chiefs] le mokwetlisi wa sona ba hlalose ha Cele e se karolo ya merero ya bona.

Ho utlwahala ha Sundowns e ntseng e batlana le sebapadi sa sebopeho sa Cele, e ikemiseditse ho tekena sebapadi sena sa mpeng ya lebala tekong ya ho kwala sekgeo sa Jayden Adams.

BALA: Maseko o bula buka ya dintlha ka tse pedi papading ya pele

Pejana Sundowns e utlwahetse e le mehlaleng ya Josen Escobar wa Colombia bakeng sa sekgeo sena le ha theko ya hae e le hodimo le ho batlwa ke dihlopha tse ding.

Cele o dutse dikgwedi tse 18 Naturena ka mora ho tekenwa a le mose mme a ka iphumana a le sehlopheng sa Sundowns e bang tumellano e ka fihlelwa mme e tlaba sebapadi sa bobedi seo Sundowns e se tekenang ka mora ho lokollwa ke sehlopha sa hae ka mora Deano van Rooyen.

BALA: Siwelele se behella mokwetlisi ka thoko nakwana mosebetsing