Mokwetlisi wa Pirates o phahla makunutu ka Maswanganyi 

Mokwetlisi wa Orlando Pirates Abdeslam Ouaddou, o buile masa a kokometse ka sebapadi se qetang ho tsamaya sehlopheng Patrick ‘Tito’ Maswanganyi.

Ouaddou, o hlalositse ha boitshwaro ba Maswanganyi e bile mathata menyetleng ya katleho le diphihlello tsa hae.

Bobedi Ouaddou le Maswanganyi ba bonahetse ka makgetlo hore bothata bo teng ka nako eo Maswanganyi a lokelang hotswa ka lebaleng.

Ouaddou, o bontshitse ha boitshwaro ba sebapadi sena, bo mofitisitse ka monyetla wa ho leba mohopeng wa lefatshe.

“Kene kesa thabele tsela eo a ikwetlisang ka yona, e bang a ne a mmametse sehleng se fitileng, a kabe a lebile mohopeng wa lefatshe,” ho realo Ouaddou.

Le ha hole jwalo, Ouaddou o lakaleditse Maswanganyi tse ntle pele a dumela hore e ne e le sebapadi sa bohlokwa hara tsohle.

“Katleho le mahlohonolo ho yena, ke motho eo kene ke thabetse ho sebetsa le yena haholo sehleng sena. O ne a le bohlokwa ho rona.”

Maswanganyi o lebile naheng ya Bahrain moo a tla kopana le sebapadi se seng sa mehleng sa Pirates Menzi Masuku.